Thursday, August 25, 2016

How Lanka

மென்பொருள் ஜாம்பவானான ' இன்போசிஸ் ' தரும் பயிற்சி

மென்பொருள் ஜாம்பவானான, 'இன்போசிஸ்' விரைவில் இந்தியாவிலுள்ள, 220 அறிவியல் ஆசிரியர்களுக்கு சிறப்புப் பயிற்சி தர திட்டமிட்டுள்ளது. மாணவர்கள் மத்தியில் அறிவியல் ஆர்வத்தையும், புதுமை படைக்கும் திறனையும், தொழில்முனையும் உருவாக்குவதே இதன் அடிப்படை நோக்கம் என்று, 'இன்போசிஸ் சயின்ஸ் பவுண்டேஷன்' அமைப்பின் தலைமை நிர்வாகி எஸ்.டி.சிபுலால், சமீபத்தில் ஊடகங்களிடம் தெரிவித்தார். ஏற்கனவே, 2009 முதல் பல துறைகளில் சாதனை புரியும் இந்திய அறிஞர்களுக்கு, இன்போசிஸ் பரிசை அந்நிறுவனம் வழங்கி வருகிறது. உலகில் அறிவியல் ஆராய்ச்சி மற்றும் மேம்பாட்டுக்காக ஆண்டுதோறும் செலவிடப்படும் மொத்த தொகையில், 40 சதவீதத்தை இந்தியா, ஆராய்ச்சிக்கு செலவிடுகிறது. இருந்தாலும் இந்தியாவில், 10 ஆயிரம் பணியாளர்களில் நான்கு பேரே ஆராய்ச்சியாளர்களாக இருக்கின்றனர். மேலும், அறிவியல் பட்டப்படிப்புகளை தேர்ந்தெடுக்கும் இளைய தலைமுறையினரின் எண்ணிக்கை ஆண்டுக்கு ஆண்டு குறைந்து கொண்டே வருகிறது. இந்த நிலையை மாற்றவும், மாணவர்களுக்கு அறிவியல் துறைகளில் ஆர்வத்தை அதிகரிக்கவுமே, அறிவியல் ஆசிரியர்களுக்கு சிறப்பு பயிற்சி திட்டத்தை துவக்கியிருப்பதாக, இன்போசிஸ் நிறுவனத்தின் இணையதளத்தில் தகவல் வெளியாகியுள்ளது.
Read More
How Lanka

மூன்று மடங்கு வேகத்துடன் விரைவில் Wi-Fi

இன்று இணைய வலையமைப்புக்கள் இல்லை என்றால் அணுவும் இயங்காது என்ற நிலைதான் எங்கும் காணப்படுகின்றது. இவ் இணையத் தொழில்நுட்பத்தில் வயர்லெஸ் தொழில்நுட்பத்திற்கு என்றுமே தனி வரவேற்பு காணப்படுகின்றது. இந்த வயர்லெஸ் தொழில்நுட்பத்தில் தற்போது அதிகம் பயன்படுத்தப்படுவது Wi-Fi ஆகும். இதன் வேகம் அதிகமாக இருப்பதுடன் ஏனைய வயர்லெஸ் இணைய தொழில்நுட்பங்களுடன் ஒப்பிடுகையில் நீண்ட தூரம் பயன்தரக்கூடியதாக இருப்பதே இதற்கு காரணம் ஆகும். இப்படியிருக்கையில் தற்போது உள்ள Wi-Fi தொழில்நுட்பத்தின் வேகத்தினை விடவும் 3 மடங்கு வேகத்தில் தரவுகளை பரிமாற்றம் செய்யக்கூடிய புதிய Wi-Fi தொழில்நுட்பத்தினை ஆராய்ச்சியாளர்கள் உருவாக்கியுள்ளனர். அது மட்டுமன்றி MegaMIMO 2.0 என அழைக்கப்படும் இப்புதிய முறையானது, தற்போதைய தொழில்நுட்பத்தினை விடவும் இரண்டு மடங்கு தூரத்திற்கு தரவுப் பரிமாற்றம் செய்ய வல்லது. இதனை MIT's Computer Science மற்றும் Artificial Intelligence Lab (CSAIL) ஆகிய நிறுவனங்கள் இணைத்து உருவாக்கியுள்ளது. இத்தொழில்நுட்பம் விரைவில் பாவனைக்கு வரும் என எதிர்பார்க்கப்படுகின்றது.
Read More