இந்தியா மற்றும் தென் ஆப்பிரிக்க அணிகள் மோதிய 2வது டி20 போட்டி, தென் ஆப்பிரிக்காவின் செஞ்சூரியனில் நேற்று நடந்தது.
இதில், இந்திய அணி நிர்ணயித்த 189 ஓட்டங்கள் இலக்கை, தென் ஆப்பிரிக்க அணி 18.4 ஓவர்களில் 4 விக்கெட்டுக்களை இழந்து இலக்கை அடைந்தது.
ஒருநாள் தொடரில் சிறப்பாக பந்து வீசிய சாஹல், நேற்றைய போட்டியில் சொதப்பினார். அதாவது, 4 ஓவர்கள் வீசிய சாஹல் 64 ஓட்டங்களை விட்டுக் கொடுத்தார்.
ஒரு ஓவருக்கு சராசரியாக 16 ஓட்டங்களை விட்டுக் கொடுத்துள்ளார். இதில் 2 பவுண்டரி, 7 சிக்சர்கள், ஒரு அகலப்பந்து அடங்கும். அவர், நான்கு பந்துகளில் மட்டுமே, ஓட்டங்கள் விட்டுக் கொடுக்கவில்லை.
இதன் மூலம், அதிக ஓட்டங்களை விட்டுக் கொடுத்த, இந்திய பந்து வீச்சாளர் என்ற மோசமான சாதனையை பதிவு செய்துள்ளார்.
இதற்கு முன்பு, ஜோகிந்தர் சர்மா 4 ஓவர்களில் 57 ஓட்டங்கள் விட்டுக் கொடுத்ததே மோசமான சாதனையாக இருந்தது என்பது குறிப்பிடத்தக்கது.
