Friday, February 2, 2018

How Lanka

iPhone 8 ஆர்டர் செய்தவருக்கு சோப்புக்கட்டி - காவல் நிலையத்தில் முறைப்பாடு

பிரபல ஆன்லைன் நிறுவனம் ஒன்றிடம் iPhone 8 ஐ ஆர்டர் செய்த நபருக்கு சோப்புக் கட்டி ஒன்று அனுப்பி வைக்கப்பட்டுள்ளது.

மும்பையைச் சேர்ந்த 26 வயதான பொறியியலாளர் தாப்ரெஜ் மெகபூப் என்பவர் ஆன்லைன் வர்த்தக நிறுவனம் ஒன்றில் 15-20% விலைக்கழிவில் 55,000 ரூபாவிற்கு iPhone8 ஐ ஆர்டர் செய்துள்ளார்.

கடந்த ஜனவரி 22 ஆம் திகதி ஆர்டர் செய்திருந்த நிலையில், அவருக்கு தற்போது டெலிவரி செய்யப்பட்டுள்ளது.

அதனை உற்சாகத்துடன் பிரித்துப் பார்த்தவருக்கு அதிர்ச்சி காத்திருந்தது.

iPhone8 அட்டைப் பெட்டியினுள் சலவை சோப்பு இருந்ததைக் கண்டு அதிர்ச்சியடைந்துள்ளார் தாப்ரெஜ்.

இதனையடுத்து, அவர் மும்பை காவல் நிலையத்தில் முறைப்பாடு செய்துள்ளார்.

மும்பை பொலிஸார் இந்த மோசடி குறித்து விசாரணை நடத்தி வருகின்றனர்.

இந்த சம்பவம் சமூக வலைத்தளங்களில் வைரலாகப் பகிரப்பட்டு வருகிறது.